මව විදේශ ගතව සිටින අවුරුදු නවයක් වයසැති දරුවෙකුට බීමත්ව පැමිණ අමානුෂික අන්දමින් අතින් පයින් පහරදීම සම්බන්දයෙන් සැකපිට දරුවාගේ සුළු පියා බව කියන පුද්ගලයකු අත්අඩංගුවට ගත්බව මීගහතැන්න පොලිසිය පවසයි .
මෙසේ අත්අඩංගුවට ගෙන ඇත්තේ ලිහිණියාව , හලවැල්කැලේ ප්‍රදේශයේ පදිංචි පුද්ගලයකු බව පොලිසිය කීය.
අවුරුදු නවයක් වයසැති පිරිමි දරුවාව සුළු පියා භාරයේ රදවා මව විදේශ ගතව සිටින බවත් , ඔහු බීමත්ව පැමිණ දරුවාට අතින් පයින් පහරදෙන බවට ලද තොරතුරක් මත (18) සැකකරු අත්අඩංගුවට ගත්බව මීගහතැන්න පොලිසිය පවසයි .
දරුවා සුළු තුවාල ලබා ඇති අතර , සැකකරු පහරදීම් සිදුකර ඇති බවට ප්‍රකාශ වලින් හෙලිව ඇති බවත් දරුවා වෛද්‍ය පරීක්ෂණයක් සදහා යොමුකරන බවත් සදහන් වේ.
සැකකරු මතුගම මහේස්ත්‍රාත් අධ්කරණයට ඉදිරිපත් කිරීමට නියමිතව තිබූණි .
ස්ථානාධිපති ප්‍රධාන පොලිස් පරීක්ෂක චින්තක දහනායක මහතාගේ ප්‍රධානත්වයෙන් ළමා හා කාන්තා කාර්යාංශ නිළධාරීන් පරීක්ෂණ පවත්වති.
