රබර් නිෂ්පාදන කර්මාන්තශාලාවක හදිසි ගින්නක්

රබර් නිෂ්පාදන කර්මාන්තශාලාවක හදිසි ගින්නක් හටගෙන තිබෙනවා.

දංඕවිට පොලිස් වසමේ හොරගස්මංකඩ අල්ගම මාර්ගයේ පිහිටි රබර් නිෂ්පාදන කර්මාන්ත ශාලාවක මෙම ගින්න හටගෙන ඇත්තේ ඊයේ (27) රාත්‍රියේදීයි.

පොලීසියට ලද පැමිණිල්ලක් අනුව වහාම ක්‍රියාත්මක වූ පොලීසිය රාත්‍රියේ සේවයේ නියුතු සේවකයින් ආරක්ෂිතව ඉවත් කිරීමට කටයුතු කර ඇති අතර ගම්පහ ගිනි නිවන ඒකකයේ නිලධාරීන්ගේද සහාය ඇතිව ගින්න මැඬ පැවැත්වීමට කටයුතුකර තිබෙනවා.

ගින්නට හේතුව මෙතෙක් අනාවරණය වී නොමැති අතර දංඕවිට පොලීසිය වැඩිදුර පරීක්ෂණ ක්‍රියාත්මකයි.