ශ්‍රී ලංකාව අද යළි තරග බිමට

ලෝක කුසලාන එක්දින ක්‍රිකට් තරගාවලියේ ශ්‍රී ලංකාව සහ බංග්ලාදේශය අතර තරගය අද(06) ඉන්දියාවේ දිල්ලිහි අරුන් ජෙට්ලි ක්‍රිකට් ක්‍රීඩාංගනයේදී පැවැත්වෙනවා.

ඒ, දිල්ලි නුවර පවතින අධික වායු දූෂණය මධ්‍යයේ.

මේ අතර එක්දින ක්‍රිකට් ලෝක කුසලාන තරගාවලියේ දකුණු අප්‍රිකාවට එරෙහිව ඊයේ(05) පැවති තරගය ලකුණු 243කින් ජය ගැනීමට සත්කාරක ඉන්දීය කණ්ඩායම සමත් වුණා.

තරගයේ පළමුව පන්දුවට පහර දුන් ඉන්දීය කණ්ඩායම නියමිත පන්දු වාර 50 අවසානයේදී කඩුලු 5ක් දැවී ලකුණු 326ක් රැස් කළා.

පිළිතුරු ඉනිම ක්‍රීඩා කළ දකුණු අප්‍රිකානු කණ්ඩායමට පන්දු වාර 27යි එක් පන්දුවකදී සියලු දෙනා දැවී ලබා ගත හැකි වූයේ ලකුණු 83ක්.

මෙය ඉන්දියාව ලෝක කුසලාන එක්දින තරගාවලියේ පිට පිට ලැබූ 8 වන ජයග්‍රහණයයි.