සුකුමල දෑතට හසුවුණ ගිණි අවි

විදේශීය නිෂ්පාදිත මිලිමීටර් 9 වර්ගයේ පිස්තෝලයක් එම ජීව උණ්ඩ 15ක් සහිත පතරොම් ගැබක් සමඟ කාන්තාවක සැකපිට අත්අඩංගුවට ගෙන තිබේ.

මෙලෙස අත්අඩංගුවට ගෙන ඇත්තේ ඉංගිරිය,හඳපාන්ගොඩ ප්‍රදේශයේ පදිංචි 54 හැවිරිදි කාන්තාවකි.

ඉංගිරිය පොලීසිය පැවසුවේ සැකකාර කාන්තාව පදිංචිව සිටි නිවසේ එම පිස්තෝලය සහ ජීව උණ්ඩ සුදු පැහැති උරයක බහා සඟවා තිබියදී සොයාගත් බවයි.

එම කාන්තාව මෙම ගිනි අවිය සහ ජීව උණ්ඩ සඟවා තබාගෙන සිටියේ කුමකටදැයි යන්න මෙතෙක් හෙළි වී නොමැත.

මේ සම්බන්ධයෙන් තොරතුරු අනාවරණය කර ගැනීමට පොලිසිය සැකකාර කාන්තාවගෙන් වැඩිදුර ප්‍රශ්න කිරීම් සිදුකරනු ලබයි.