මෙරට සෞඛ්‍ය අංශ වෙතින් ගොවි ජනතාවට රතු එළියක් නිකුත් කර තිබෙනවා.
ඒ මේ දිනවල වර්ෂාපතනය සමග ඉදිරියේ දී ආරම්භ වන මහ කන්නයේ වගා කටයුතුවල දී සිය සෞඛ්‍ය තත්ත්වය සම්බන්ධයෙන් අවධානය යොමු කරන ලෙසටයි.
සෞඛ්‍ය අංශ පෙන්වාදෙන්නේ; කුඹුරු සහ වගා කටයුතුවල යෙදෙන සියලුම ගොවි ප්‍රජාව මී උණ හෙවත් ලෙප්ටොස්පයිරෝසියාස් රෝගයට ගොදුරු විය හැකි බවයි.
මී උණ පුද්ගලයෙකුට ආසාදනය වන්නේ ජල මාර්ගයේ මීයන්ගේ මළමුත්‍ර එක්වී පැමිණෙන ජලය ඕනෑම පුද්ගලයෙකුගේ පාදවල හෝ දෑත්වල ඇති කුඩා බිබිලි මගින් හෝ ශරීරගත වීමේ ඉඩකඩක් පවතින බවයි.
එබැවින් මී උණ ආසාදිත රෝගීන් සෑම වසරක ම 7000ක් පමණ වාර්තා වන බවත් ඉන් රෝගීන් 125ක් පමණ මරණයට පත්වන බවත් සෞඛ්‍ය අංශ පවසනවා.
මේ හේතුවෙන් බොහෝ විට මරණයට ගොදුරු වන්නේ වයස අවුරුදු 20-60ත් අතර වයසේ පසුවන්නන් බවයි සෞඛ්‍ය අංශ සඳහන් කළේ.
එබැවින් තමන්ගේ ශරීරයෙහි කිසියම් තුවාලයක් පවති නම්; කුඹුරු වැඩවල නිරත නොවන ලෙසටත් සෞඛ්‍ය අංශ දැනුම්දෙනවා.
තමන්ට මී උණ රෝගී ලක්ෂණ පවතී නම් නොපමාව වෛද්‍ය ප්‍රතිකාර සඳහා යොමුවන ලෙසට ද සෞඛ්‍ය අංශ ඉල්ලා සිටිනවා.