කළුතර නගරයේ ආරක්ෂාව තර කෙරේ

කළුතර නගරයේ මේ වනවිට පොලිස් ආරක්ෂාව දැඩිකර ඇති බව වාර්තා වනවා.

‘ත්‍රස්ත විරෝධී පනත ඉරා දමනු, සමාජ මාධ්‍ය මර්ධන පනත හකුලාගනු’ යන මැයෙන් අද කළුතර නගරයෙන් ආරම්භ කිරීමට නියමිත මහජන කවුන්සිලයේ විරෝධතා පාගමන හේතුවෙන් මෙලෙස එම නගරයේ ආරක්ෂාව තරකර ඇති බවයි වාර්තා වන්නේ.

මේ වනවිට පොලිස් කැරලි මර්දන කණ්ඩායම් ද එම නගරයේ ස්ථාන ගතකර ඇති බවයි අප වාර්තාකරු පැවසුවේ.

ඊට අමතරව කළුතර පොලිස් කොට්ඨාශයට අයත් පොලිස් ස්ථාන රැසක පොලිස් නිලධාරීන් ද කළුතර නගරයට කැඳවා ඇති බවයි වාර්තා වුණේ