2023 ක්‍රිකට් ලෝක කුසලානය සඳහා වන ශ්‍රී ලංකා සංචිතයේ නායකත්වය දසුන් ශානකට ලබාදීමට තීරණය වී තිබෙනවා.
ක්‍රිකට් ලෝක කුසලානය තෙක් දසුන් ශානක සමඟින් කටයුතු කිරීමට තේරීම් කමිටුව තීරණය කර ඇති බවයි ශ්‍රී ලංකා ක්‍රිකට් ආයතනයේ ජ්‍යෙෂ්ඨ නිලධාරියෙක් ප්‍රකාශ කර ඇත්තේ.
තේරීම් කමිටු සභාපති ප්‍රමෝද්‍ය වික්‍රමසිංහ ඇතුළු තේරීම් කමිටුව පියවර ගෙන තිබෙනවා.
ක්‍රිකට් ආයතනයේ තේරීම් කමිටුවේ විශේෂ රැස්වීමක්අද පෙරවරුවේ පැවැත්වූ අතර එම රැස්වීම අද දහවල් වන තෙක් පැවති බවයි අප වාර්තාකරු සඳහන් කළේ.
තේරීම් කමිටුවේ සභාපති ප්‍රමෝද්‍ය වික්‍රමසිංහ සහ එහි සාමාජික රොමේෂ් කලුවිතාරණ ඇතුලු පිරිසක් ක්‍රිකට් ආයතනයේ රැස්වීමට සහභාගී වී සිටියා.
ශ්‍රී ලංකා ක්‍රිකට් ආරංචි මාර්ග සඳහන් කළේ මේ අවස්ථාවේ නායකත්වය මාරු කිරීම සම්බන්ධයෙන් දීර්ඝ වශයෙන් තේරීම් කමිටුව සහ දසුන් ශානක අතර කරුණු හුවමාරු වී ඇති බවයි.
කෙසේවෙතත් අවසානයේ තේරීම් කමිටුවේ මතය වී ඇත්තේ දසුන් ශානක ලෝක කුසලාන සංචිතය ද මෙහෙය විය යුතු බවටයි
