counter customizable free hit
28 C
Colombo
Tuesday, July 23, 2024


ලොකු ළූණු සදහා 40% ක අපනයන බද්දක්

වහාම ක්‍රියාත්මක වන පරිදි ළූණු සඳහා 40%ක අපනයන බද්දක් පැනවීමට ඉන්දියාව තීරණය කර තිබේ.

රොයිටර්ස් පුවත් සේවය වාර්තා කළේ, එරට වෙළෙඳපොළ තුළ එළවළු හිඟතාවක් තොරව පත්වා ගෙන යාමේ ප්‍රයත්නයක් ලෙස මෙම පියවර ගෙන ඇති බව ය.

ඉන්දියානු මුදල් අමාත්‍යංශය විසින්  (අගෝ. 20) මේ බව නිවේදනය කරනු ලැබ ඇති අතර, දෙසැම්බර් 31 දක්වා මෙම අපනයනය බද්ද ක්‍රියාත්මක කෙරෙන බව සඳහන් ය.

රොයිටර්ස් පුවත් සේවය සඳහන් කර ඇත්තේ, ලොව විශාලතම ළූණු අපනයනකරු විසින් පනවන ලද මෙම බද්ද හේතුවෙන් එරට වෙළෙඳපොළ තුළ ළූණු මිල ගණන් පහළ යනු ඇති නමුත් කලාපයේ අනෙකුත් අපනයනකරුවන්ට සීමිත සැපයුම් ඇති බැවින්, ආසියාතික ගැනුම්කරුවන්ට ළූණු ආනයනය සඳහා වැඩි පිරිවැයක් දැරීමට සිදුවනු ඇති බව ය.

ඒ අනුව, බංග්ලාදේශය, නේපාලය, මැලේසියාව, එක්සත් අරාබි එමීර් රාජ්‍යය සහ ශ්‍රී ලංකාව වැනි රටවල් සඳහා මෙම අපනයන බද්ද බලපානු ඇත.

මේ අතර, මෙරට ලොකු ළූණු වගාව සම්බන්ධයෙන් වහා ම වාර්තාවක් ලබා දෙන ලෙස කෘෂිකර්ම අමාත්‍ය මහින්ද අමරවීර කෘෂිකර්ම දෙපාර්තමේන්තුව වෙත උපදෙස් ලබා දී තිබේ.

සාර්ථකව සිදු කෙරුණු ලොකු ළූණු වගාව දැනට වසර හත අටක සිට අසාර්ථක වී ඇති අතර, මේ වන විට ගොවීන් ලොකු ළූණු වගාව අතහැර දමන තත්ත්වයට පත්ව ඇති බවට වාර්තා වන බව අමාත්‍යවරයා පෙන්වා දී ඇත.

ශ්‍රී ලංකාවේ වාර්ෂික ලොකු ළූණු අවශ්‍යතාව මෙට්‍රික් ටොන් ලක්ෂ තුනක් වන අතර, මෙම වසර තුළ ජාතික නිෂ්පාදනය මෙට්‍රික් ටොන් 4716ක් වීම හේතුවෙන් ගත වූ කාලය තුළ ආනයනය කර ඇති ලොකු ළූණු ප්‍රමාණය මෙට්‍රික් ටොන් 131,795ක් බව කෘෂිකර්ම අමාත්‍යංශය සඳහන් කරයි.

මොකද හිතෙන්නෙ....
+1
0
+1
0
+1
0
+1
0
+1
0
+1
0
+1
0
සබැඳි පුවත්
0 0 votes
Article Rating
Subscribe
Notify of
guest
0 Comments
Inline Feedbacks
View all comments

අපගේ නවතම පුවත්

සතියේ පලවු තවත් පුවත්

You cannot copy content of this page

0
Would love your thoughts, please comment.x
()
x